仙气乌冬黑虎‧白虎‧绿虎!! 好食到雪雪声

锺意食乌冬多过食饭的SY, 今日知道又可以食乌冬做Lunch非常轻奋. 当我们到达海港城2楼, SY即说:「咦? E间上次米食过啰…」

有时真的不可以小窥这位小朋友的记忆力, 我答:「你锺意食吖麻, 而且圣诞有新嘢喎」

半年前, 我们吃过的超浓薯仔泡沫咖喱乌冬, 由洁白食到变返黄咖哩, 又有肥牛, 又有温泉蛋…愈食愈过瘾, 辣到念念不忘…

今次白虎($119)不再孤单, 因为舖头带多两只新老虎朋友, 三虎齐齐生威!!

又有瓜又有菜点缀的新朋友名叫绿虎($109), 三虎之中卖相最索, 不过是斋来的, 连我最爱的温泉蛋也没有.

素食者的恩物, 店长Hegel说:「之后好多客问白虎可唔可以走肉, 因为真係做唔到, 所以我哋索性出一个蔬菜咖喱乌冬啰」

阿太一边食一边大叫:「E个好食呀! 够青, 又有菜又有瓜」, 我答:「佢係好香, 又有薄荷叶, 我就第一时间联想到生牛肉河, 不过无咗D肉…怪怪地」, 阿太:「你D食肉兽都唔知识唔识食, 食多D菜先有益架」

非常神秘的黑虎($129), SY第一时间指明要食:「上次食白色, 今次要食黑色…我要食咗个黑武士」(你係米中星战毒, 中得太深呀?)

白虎会愈食愈深色, 墨鱼汁泡沫刚刚好相反,SY玩得很高兴 :「爸爸! 你睇捞匀会变返白架」

因为没有加薯仔, 所以泡沫轻身得多, 阵阵蒜香…香得我一定锺意黑虎多于斋虎多多声..

又怕辣,又食到雪雪声的小朋友:「係呀!係呀!…水…水…好辣…好食, 黑色好食, 我最唔锺意食菜」(死!! 原来佢遗传咗我唔食菜…点算好呢!!)

这里的黑虎是名符其实芝麻糊一样的黑, 不似其他地方落少少黑蒜就算,絶对仙气噗噗, 黑过墨斗! 唔会呃秤

从未想过朱古力再加姜, 今日超爱的惊喜热饮…开头心谂:「会唔会好甜呀!」, 原来用真正生姜磨汁沖朱古力, 姜迷感动, 甜中渗微辣又暖胃, 简直出奇蛋一样, 一次过满足三个愿望.

白虎咖哩

Tiger Curry & Cafe

尖沙咀广东道17号海港城港威商场2楼2602号舖

 

大仁生活facebook